أمس 3/10/2016 أعلنت مؤسسة نوبل عن فوز العالم الياباني Yoshinori Ohsumi عن الفوز بجائزة نوبل في الطب لعام 2016 عن اكتشافه ال mechanisms وراء عملية الAutophagy ***
فلازم نكون عارفين الراجل ده عمل ايه وده فوائده في الطب ايه
*** ال Autophagy ✔***
تخيل كده عندك في البيت كل شوية البيت يبقى مش نظيف فحضرتك بتتفضل مشكورا تنظفه وتلم القمامة اللي نظفتها دي وتحطها في صندوق المخلفات
ده بالظبط عملية ال Autophagy اللي بتحصل في الخلية
✔ الخلية كل شوية بتكنس وتنظف نفسها وتأخذ المخلفات دي بالمقشة اللي اسمها في الخلية Autophagosome وتروح رايحة بيها على كيس القمامة اللي هو ال Lysosome ويعمل لها إعادة تدوير ويكسرها ويطلعها تاني للخلية في صورة مركبات نافعة تستفيد منها الخلية (سبحان الله العظيم)👌👌
✔ كمان الخلية بتستفيد من العملية دي أنها لما بتجوع starvation بتأخذ بعض البروتينات والمركبات الاخرى اللي في الخلية وتقوم مودياها على نفس الصندوق ده يكسرها ويطلع منها أحماض amino acids ومواد أخرى تستفيد بيها الخلية في حالة الجوع
✔ كمان الخلية لما تصاب ببعض الفيروسات بتبدأ بسرعة تأخذها وتوديها على صندوق القمامة ده وتكسرها علشان مش تصيب الخلية بضرر
● وهكذا عملية ال Autophagy أو التنظيف الذاتي للخلية أمر في قمة الأهمية
** وده فايدته ايه في الطب 😐**
نفس المثل اللي قلناه
لو بيتك مش نظفته كويس هيبقى فيه خلل وهيبقى بيت يجيب الأمراض وكذلك لو بقيت بتنظف بزيادة عن اللزوم ممكن ترمي في صندوق القمامة حاجات أساسية البيت محتاجها
●●●● نفس الشئ👌👇●●●●
● لما الخلية مش بتنظف نفسها كويس تبدأ تتراكم فيها الفضلات وتظهر الأمراض مثل:
الزهايمر والشلل الرعاش parkinsonism والسرطان وأمراض أخرى
● لما الخلية تبقى عملية النظافة الذاتية فيها زيادة عن اللازم هتكسر حاجات أساسية وده سيؤدي إلى موت الخلية.
*** برضه استفادنا ايه😁***
استفادنا أن بناء على اكتشافات الراجل ده ومعرفة ازاي بتحصل عملية التنظيف الذاتي Autophagy
جاري الأبحاث لاكتشاف أدوية تحافظ على عملية التنظيف الذاتي Autophagy داخل الخلية في صورة متوازنة balanced بلا إفراط ولاتفريط وبالتالي تفضل الخلية نظيفة علطول ونتجنب أو نقلل حدوث كثيييير من الأمراض اللي قلناها فوق دي
وطبعا فوائد تانية كتير في عملية إشباع الخلية في حالة الجوع ومقاومة العدوى وغيرها.
عرفت دلوقتي ليه ده اكتشاف خطير ومهم جدا جدا وهيغير كتير في الطب ويستحق عليه جائزة نوبل؟🏆
بالتوفيق للجميع
ليست هناك تعليقات:
إرسال تعليق